How to feel if my younger sibling is better than me? | أتعامل ازاي مع احساس ان اخي الصغير اشطر مني؟

طبعا كل واحد فينا جواه احتياج بانه يحس انه مؤثر ويعتمد عليه وانه بيراعي الناس اللي بيحبهم وبيساعدهم في حياتهم ولكن عندي كذا نصيحة ليهم علاقة بالنقطة دي:

متستعجلش انك تلبي احتياجك ده وهو هييجي لوحده ان شاء الله مع شغلك على نفسك, ولو مجاش دلوقتي ان شاء الله ييجي مع ابويك او زوجتك او اطفالك أو اصحابك. بس دي حاجة بتيجي مع الوقت طبيعي لما تشتغل على نفسك فحاول تشيلها من دماغك وركز في اللي انت فيه.
هتتعب في حياتك لو بتستمد سعادتك من احتياج الاخرين لك.
حاول تستغل على مفهوم النجاح في الدنبا وحوله لفلاح. هتلاقي ان من الصعب جدا انك تجزم بان في حد احسن من حد. لان ربنا سبحانه وتعالى أعلم بقدرات كل واحد فينا مقابل المجهود اللي بيبذله.
مش معنى ان اختك اشطر منك في المجال انك متقدرش تكون مؤثر في حياتها تأثير ايجابي. أكيد اختك محتجالك في حاجات غير انك تشرحلها حاجة في المجال, فقرب منها عشان تعرف انت ممكن تساعدها في حياتها بايه.
حاول تظبط نيتك في شغلك واللي بتتعلمه وبعدها هتكتشف انك نفسك كل اللي حواليك يتحسنوا عشان كلكم تحسنوا وضعكم ووضع العالم كله.
حاول لما تقيس مستواك وتحسنك تقيسه مقارنة بنفسك وتشوف انت اتحسنت ولا لا, والا فدايما لو دورت كويس هتلاقي ناس احسن منك قريبة اوي منك
حاول لما تبص على حال اللي حواليك تستفاد بانك إما تحمد ربنا انك احسن او بانك تسعى في الاستفاده من الشخص اللي احسن منك عشان تحسن من نفسك.